Bookmark This Site
QURAN O HADITH
~~~~~~~~

Hadees: Abdullah Bin Umar Raziallahu Anhu se rivayat hai k Rasulullah Sallallahu Alaihi Wasallam ne fermaya, gaib ki kunjian 5 hain, jinhain Allah ke ilaawa koi nahi janta, 1. Koi nahi jaanta ke kal kia hoga. 2. Koi nahi jaanta ke Maa ke pait mein kia hai. 3. Koi nahi jaanta ke kal woh kia kamaega. 4. Koi nahi jaanta ke iski maut kahan waaqey hogi. 5. Koi nahi jaanta ke baarish kab hogi. (Sahih Bukhari)
Back | Home | Pm Zone | Edit Profile | Setting |Friends | Change Password | LogOut |Chat |BB Codes |Smilies (116)

Bact to List>QABR KA BAYAN -2>
zubair Offline
Posted: (19.01.12 01:35 pm)
Re1 :
""""BISMILLAHIR RAHMANIR RAHEEM,, ,, ,, ,, Rasul e akram (Sallallahu alayhi wasallam)ne momin aur kafir ki maut ki alag alag kaifiyat bayan farmayi hai jis ka khulasa yeh hai ki jab momin ki maut ka waqt aata hai to suraj ki tarah roshan chehron wale farishte jannat se muattar safed reshmi kafan apne sath late hain, Aakar momin aadmi ko salam karte hain, Malakul maut rooh qabz karne se pahle momin aadmi ko khush khabri deta hai ki aye paak rooh ! Khush hoja tere liye allah ki rahmaten aur jannat ki nematen hain, Yeh khush khabri sunkar momin aadmi ke dil me allah ta aala ke pas jane ki zabardast khuwahish paida hojati hai aur momin aadmi ki rooh jism se is tarah nikal aati hai jis tarah mashak ka muh khol dene se pani bah nikalta hai, Farishte rooh qabz karne ke baad use khushbu dar safed reshmi kafan me lapet lete hain aur aasman ki taraf le jate hain, Us waqt momin aadmi ki rooh se is qadar tez mushk ki si khushbu aati hai ki aasman ke farishte use mahsoos karke aapas me kahte hain"kisi momin aadmi ki rooh upar aarahi hai,,. Farishte aasman ke darwaze par dastak dete hain to aasman e awwal ke farishte poochhte hain yeh kaun paak rooh hai ? Jawab me farishte batate hain yeh falan bin falan hai, aasman ke farishte us ke liye darwaza kholte hain, use khush amdeed kahte hain aur us paak rooh ko allah ki rahmaton aur nematon ki basharat dete hain... Farishte use doosre aasman ki taraf le jate hain, aasman e awwal ke farishte momin aadmi ki izzat afzayi ke liye doosre aasman tak alwada kahne saath jate hain. Doosre aasman par momin ki rooh ko pahle aasman ki tarah khush amdeed kaha jata hai, phir teesre chauthe... Hatta ke satwen aasman tak rooh pahuch jati hai, wahan pahuchne ke baad allah(Subhanahu wata aala) ki taraf se hukm hota hai mere is bande ka naam elliyyeen(Buland martabah logon ki fahrist) me likh lo... Uske baad momin ki rooh ko jism me sawal o jawab ke liye dobara lauta diya jata hai. Qabr me aane wale farishton ko munkir nakeer kaha jata hai, Unka chehra siyah, Aankhen kere rang ki moti moti chamakdar, Dant gaai ke seeng ke barabar bade bade aur awaz bijli ki tarah garajdar hoti hai, Apne danton se zameen ukhedte hue aate hain aur akkhad lahje me poochhte hain"man rabbuka?,,(tera rab kaun hai?)"man nabiyyuka?,,(tera nabi kaun hai?)"ma deenuka?,, (tera deen kaun sa hai?).... Qabr ki tareeki, Tanhayi aur munkir nakeer ke intihayi daraone chehre dekhne ke bawajood momin aadmi kisi qism ka khauf aur ghabrahat mahsoos nahin karta aur poore itminan se mjnkir nakeer ke sawlon ka jawab deta hai, baz ahle eeman ko sawal o jawab ke waqt suraj ghuroob hote dikhaya jata hai... Momin aadmi farishton ke sawal ke jawab me kahta hai, zara thahro,, mujhe pahle namaz e asar ada karlene do,, phir main tumhare sawalon ka jawab dunga, Lekin jab use ehsas hota hai ki ye namaz ada karne ki jagah nahin to phir woh munkir nakeer ke sawalon ka jawab deta hai... Sawal o jawab ke baad jhannam ki taraf ek surakh kar ke momin aadmi ko jhannam ki aag dikhayi jati hai aur use bataya jata hai ki ye hai woh aag jisse allah(Subhanahu wata aala)ne tujhe apne fazl o karam se bacha liya hai, Phir jannat ki taraf ek surakh ya darwaza khola jata hai jisse momin aadmi jannat ki nematon ka nazara karke khushi mahsoos karta hai... Us waqt momin ko jannat me uska ghar bhi dikhaya jata hai, uski qabr sattar haath ( ya had e nigah tak) farakh kardi jati hai aur chaudhween ke chand jaisi chandni se munawwar kardi jati hai... Jannat ka khushbu dar libas use pahna diya jata hai, jannat ka khushbu dar, aaram dah, narm o nazuk bistar use muhayya kar diya jata hai... Qabr me momin aadmi ke pas khubsurat chehre wala ,khushbu dar libas pahne ek aadmi aata hai... Momin us se poochhta hai"Tu kaun hai?,, woh kahta hai"main Tere nek aamal hoon aur aakhrat ki zindgi me tujhe aaram aur inaam ki basharat dene aaya hoon... Tab momin aadmi dua karta hai"Aye mere rab ! Qayamat jald qayem farma, taki main apne ahlo ayal se jaldi mil sakun... Baz ahadees me ye bhi aata hai ki momin aadmi kahta hai ki main apne ahlo ayal ke pas wapas jana chahta hoon taki unhen apne nek anjam se aagah kar sakun... Jawab me farishte kahte hain"Achchha ab tum dulhan ki tarah aaram se so jao, (wapas jana to mumkin nahin).. Phir momin aadmi so jata hai... Hatta ki qayamat ke roz allah (Subhanahu wata aala) use uski qabr se uthayenge, Yahan se safar e aakhrat ka marhala shuru hota hai. To be continue........
Thanks |15 Thanks |Quote|PM|
Malik10 Offline
Posted: (19.01.12 02:18 pm)
Re2 :
Meri malumaat me azafaa hua jazak Allahu khai zubair bhai....
Thanks |9 Thanks |Quote|PM|

Page: Previous.Next.[Last]..1
Name:

Text:

imageRetype numbers from picture:



Powered by :
Islamiclectures.wapka.me
Loading
Plz dont click on the ads given below